मेरी सपना र सपनासंसार

- चियापसले कान्छो

मेरो मन,
आज किन किन त्यसै उदास छ
पतझडको मौसम जस्तै निक्कै बेरङगी छ
मनमा भावनारुपी ज्वलामुखीहरु फुटीरहेका छन्
यो तडपाइमा बाच्नुपर्दा मन निक्कै अमिलिएको छ।

बुझ्न सक्दिन म,
किन तिम्रै पर्खाइमा समय गुजारीरहेको छु
किन तिम्रै आगमनमा बाटो ढुकीरहेको छु
निस्ठुरी बनी तिमी गए पनी तिम्रै यादमा बाचेँको छु,
तिमीसँगको मिठो मिलनको प्रतिक्षामा दिन काटेको छु,

अवश्य नै,
तिमी आउने कुरामा म विश्वस्थ छु,
खुशी बोकी आउने कुरामा म निक्कै आशावदी छु,
मेरी सपना, मेरो कल्पना सँग बडी खेल्वाड नगरिदेउ,
चाडो आउ है,कुरी बस्ने छु तिमीलाई म, मेरै सपनासंसारमा।।